My Country, My Pride!

The world has been unfair about my country, Somaliland; despite it has remarkably achieved enormous political successes in the midst of hostile Horn region over the past two decades. The economy is currently progressing. So is the democracy. Our traditional state-building approach is believed to be a useful lesson for African states, particularly those who have failed to put their pieces together. We, Somalilanders, milk in peace with so little bi-literal support, and yet our hopes are high. Continue reading “My Country, My Pride!”

Advertisements

Hoggaaminta Habboon

                       “Rag madaxdu ka halowdaa, waa marrin habaabiye.”

Qofka ayaa lagu aaminaa mansabka hoggaaminimo marka laga arko awood dheellitiran oo uu u leeyahay hanashadeeda. Isla markaana lagamamaarmaan ka dhigaysa ka dhabaynta himilada guud. Hadaba, marka koox dadka la hoggaaminayo ka mid ahi aqbasho himilooyinkaas, taasi waxay ballaysintaa dhaqdhaqaaq isbedel doon. Isbedelkuna wuxuu kolba la jaanqaadaa waxay dadku aaminsan yihiin – dabcan ma aha dadkoo dhan, waa se dadka hormoodka u ah isbedelka la rabo. Continue reading “Hoggaaminta Habboon”

Garnaqsi Haween

“ Haddaan Gaari Kula Jirin, Illayn Noloshu Guul Ma Leh.” – Hadraawi

Gogol dhig:

Haweenku waa udub dhexaadka nolosha. Waana lafdhabarta jiritaanka iyo waaridda bini-aadmiga. Macnaha dahsoon ee ragga loogu lammaaneeyey, ka sokow in la tarmo, waa in ay noloshu dhadhan yeelato. Haweenku waa warshad wax soo saar . Waxa ay ababisaa hooyadii iyo aabbihii berrito. Siduu wax soo saarku ugu kala duwan yahay tayada iyo tiradaba, ayuun bay haweenkuna kala siman yihiin. Haweenku waa baadi sooca bulsho ku dhaadato. Hagaagiddoodu waa bulsho horumarkeeda. Hallawgooduna waa heermid bulsho idil. Taasaana keenaysa in dumarku saamayn ku yeeshaan doc kasta oo nolosha ah. Continue reading “Garnaqsi Haween”

Buuggaan Baryahaaba U Bu’ayey

 

Gorfaynta Buugga Yuusuf X. Aadan

 

“Geeddi Nololeedkii Yuusuf X. Aadan”,
Fawsiya Yuusuf X. Aadan.
Daabacadii Koowaad, @ftahan
Publishers,
London
, 2007, ISBN 978-0-9550274-1-3.

Arar

Badanaa waxaad sugtood, saadaalisaa. U samirtoo, sibiq kugu soo galaa. Maba dheerayn’e, markaas uunbaan hadhimadii afka ka qaaday. Cadceeddoo kululaydna ka hadhso is idhi.Sariirtana isu gaad-bixinayaa. Waxaan isu soomelmelay, ilays si aayar ahku saaqay guriga. Dhinacuu afaafku xigeyna u jeestay. Yaab! Ma cidkalaaba, illeyn waa wiilkaan aqal-wadaagta ahayn. Nabaddiino ka dibna, isagoo kolba kab saaraya, ayuu dhinacna iga leeyahay: “Oo saaxiib buuggaan inoo sido maanadarkaynba?” Intaan si miyir la’ u soo hinqaday, dhinaciisii u holladay. Mise waa buuggaan baryahaaba u bu’ayey “Geeddi Nololeedkii Yuusuf X. Aadan” oo Fawsiya Yuusuf X. Aadan ku fara-yaraysatay. Mareegaha Soomaalida ayuun baan ka dhaadi jiree, ma anaaba dhab u arkayba! Akhriste, maanta kaasaan wax inooga soo garoocdee, ee bal ila dhawr. Continue reading “Buuggaan Baryahaaba U Bu’ayey”

Reenkaygu Ma Riyadayda Oo Rumadaa!

Cirka nimankaa sahanka u diree, caadka ka hayaamay,
Cadceediyo dayaxa dawladahan, caawa kala sheegtay,
Caynkeennanay soo wada mariyo, caado liitahaye,
Cilmigii ay ku gaadheen rag waa, ku cibro qaataaye,
Candhadeeda nimankii karshee, cunay ku goosmeene,
Darfi wuxuu ka muuqda shacbiga, caafimad qaba’e.


Arar

Baraaruggaagu marbuu badhaadhe noqdaa, bilkhayr iyo marbuu bushaaro noqdaa. Balladuna markaasay barbarkaas ka baxdaa. Adduunse marba dhinac u billiglee. Si fiican ayaan subaxdaasi u waaberistay, bustahana isaga rogay. Abaabul iyo diraargarow baan u heensaysanahay, jarmaadaduna waxay ku beegnayd meel aan sidaas nooga sii ridnayn­-makatabaddii Jaamacadda. Hammuun waxaan u qabaa inaan gaadho irriddeeda, waxaan u heellanahay subaxdaas, bal in aan dhinac isaga duwo wixii baryahaaba wehelka ii ahaa. Tiigsigaygu wuxuu noqday buug dheeh cagaar iyo madow ahi ku kulmeen. Tollow muxuu inoo sheegi? Cabbaar markay dhaayuhu ka bogteen, noqday mid si xeel-dheer u lafa-guraya Waxbarashada dalka soo-koraya ee Yugaandha. Continue reading “Reenkaygu Ma Riyadayda Oo Rumadaa!”

Fursadaha Shaqo Abuur Iyo Faaqidaada Dareenka

Shaqaale Hawl Ku Jira

“Fahamkeeda guudnimo,

Fursadaha shaqo abuur,

Farsamooyin lagu helo,

Anigoon fogaaneyn,

Waxay faalladaydii,

Tidhi inay fura u tahay

Caqligoo fayoobiyo,

Cilmi fiican loo helo,

La falgala danaha guud.’

I. Arar

SHAQO LA’AANTA Somaliland ayaa noqotay mid si ba’an u baahday oo cunnugii caloosha ku jiray laga yaabaa inuu ka war qabo. Haddii mid calool ku jiraa wax maqlayo. Waxay noqotay wax qof weliba ku waaberiisto, kunna gabal dhacsado. . Qof kasta gurigay ugu gashay oo surmo-seejisay. Werwer iyo walaac jooga ay dadka baday. Waxay su’aali noqotay, tollow dabar ma leedahay? Ma abtirsataa? Yaa u ehel ah? Qofba dhinac u qaad, dareenkiisna ku qiyaas, aniguna gudoonkay iyo daba-qabashadeed. Continue reading “Fursadaha Shaqo Abuur Iyo Faaqidaada Dareenka”

Waayahu Surgacanaa, Dhallintuna Salfududaa, Wadankuna Silloonaa

Dhalinyaro Tahriibaysa

Arar

In badan baa qalbigu qarsaday, ilmadun qoysay dhabanada, qalinkuna ila qabay sidaas. Maantase adkaysi ma hadhin. Waxaanan u holaday inaan wax ka qoro mawduud noqday nolol-malmeedka dhalinyarro badan, hadal-hayntiisuna qiiradeeda lahayd. Gabal-dhaca iyo waaberyaba waxaad maqlaysaa war dhiilo leh oo qofkii muwaadin ahi ka damqanayo dhibaatada iyo durxumada maanta haysta dhalintii, ubaxii dalka u soo kacayey, ee maalin- la-sheegaba baddaha iyo lama-degaanada dunida ku haligmaya. Maxaa saaxiib,walaal iyo qaraabe kale oo la jeclaaba caloosha nibiriga iyo libaax-badeedyadu xabaal u noqdeen? Maxaa dhalin wiilal iyo gabdhabo leh , intay jaamacado amma dugsiyado dhamaystay, dalkoodii dal kale ku doorbiday, sillic iyo darxumo mutaystay? Akhriste, marna ma u damqatay dhalintaasi la dayacay ee la ilaabay waayahoodii?
Continue reading “Waayahu Surgacanaa, Dhallintuna Salfududaa, Wadankuna Silloonaa”