The Rise of the BRICS in Africa: Developmental or Self-Interest?

The rise of the BRICS countries, particularly China,  has reshaped the economic and geopolitical realities in Africa for the past two decades. Across infrastructure financing, trade, investment and aid, there is no other traditional Western Power with such colossal engagement in Africa than China. The Chinese companies invest enormously in all across Africa by bringing new technologies, creating jobs, developing skills for the local Africans and immensely contributing to the Africa state’s public revenue. The recent Africa-China economic relationship has threatened the dominance of the traditional ‘Great Powers’ in the fields of economics and geopolitics.  There are challenges that make the Sino/Africa relations unbalanced such as the Chinese workers and the ‘cheap’  products overflowing African domestic markets.  Considering both sides of the coin, however, China’s involvement in Africa is perceived positively by Africans,  and China is  a significant partner who has generated multiple prospects for African development despite Africa’s development move is relatively slow. Continue reading “The Rise of the BRICS in Africa: Developmental or Self-Interest?”

Advertisements

Hal Dawlad, Hal Cod

Midkeena keligii kuma noola ‘meere’ u gaar ah. Waayo waxa aynu nahay bulsho dareen-wadaag ah oo is-huran, kunna qasban in ay wada-xidhiidh yeelato. Sow hore looguma maahmaahin, ‘war la helyaaba, tallo la hel.’

Hadaba, waxa aan uga gol-leeyahay qoraalkan in aan qeexid kooban ka bixiyo muhiimadda Wada-Xidhiidhka Dawladda. Wada-Xidhiidhka Dawladdu waa mid laba geesood ah- dawladda iyo shacabkeeda. Ula-jeedada laga leeyahay waa in ay dawladdu si faahfaahsan ugu gudbiso muwaadiniinta xogta ku saabsan waxqabadkeeda, siyaasadeheeda iyo hiigsigeedaba. Waa astaan muujinaysa maamul wanaag, kanna turjumaysa dastuurkeena ku dhisan nidaamka dimquraadiyadeed. Continue reading “Hal Dawlad, Hal Cod”

Gelbiskii Geerida

Gelbiskii Geerida

Waa sheeko-faneed murugo iyo saxariir-nafeed xanbaarsan. Dhagaraha dhacaya ee sheekadan ku duugani waa is-difaacid, nolol-raadis iyo aar-goosi lagu xardhay midab-diimeed.

Sawirro is-micnaynaya oo si walba u xanuun badan, daboolkanna ka qaadaya nolosha adag ee laga dhaxlay is-eedkii shacabka Soomaaliyeed. Continue reading “Gelbiskii Geerida”

Gelbiskii Geerida- Q12aad

Abshir waxa uu toosay inyar ka hore hiirtii waaberi. Dhaxan daran baa jirtay oo qofka u diidaysay in uu weysaysto, waa se uu ku qasbanaa in uu si uun maaro ugu helo. Laba rakacdood oo sunne ah ayuu ku tukaday mawlac ku dhex yiil xerada uu ku noola. Dabadeedna salaaddii subax buu ku xigsiiyey markii ay jamaacadii soo buuxsantay.

Mawlicii buu ku sii negaa oo uu ku akhrisanayey adkaar badan iyo aayado quraan ah ilaa diiggu cidii joojiyey. Abu-Xasna oo qori AK-47 ah xanbaarsan ayaa soo is-taagay afaafka hore ee mawlaca uu Abshir ku cibaadaysanayey. Suul-dhabaale ayuu ku soo jeediyey Abshir oo qushuuc la gadhoodhsan. Continue reading “Gelbiskii Geerida- Q12aad”

Gelbiskii Geerida- Q9aad

Abshir in uu la qabsado jewigii cusbaa ee Boosaaso ma ay ahayn mid sahlan. Waxa ka hortimid dabeecaddii cimiladda iyo af-soomaaliga oo aanu si fiican ugu xidhiidhi karin.

Aabo Shire wuxu noqday ganacsade si weyn looga tix-geliyo Boosaaso. Wuxu lahaa shirkad kalluunka ka ganacsata oo xafiisyo ku leh Boosaaso, Garoowe iyo Laas-qoray. Ganacsigaas oo si weyn uu ugu macaashay, hanti badan ka helay. Continue reading “Gelbiskii Geerida- Q9aad”

Gelbiskii Geerida- Q8aad

Giiraanta waqtigu way rooraysay. Il-bidhiqsi kasta wuxu ahaa mid xiiso gaar ah huwan oo aan la dhaadayn goorta uu ku dhaafay. Xogaha uu xafiiskaygu isku soo ururiyey waxa ay ahaayeen kuwo amakaag leh. Rumaysigoodu ma uu hawl yarayn waxa ayna u baahnaayeen in laysku xidhiidhiyo si dhacdooyinku u noqdaan kuwo isa-sudhan.

Dib ayaan ugu soo laabtay xafiiskaygii ku dhex yiil Saldhiga Militari ee AFRICOM. Dabadeedna waxa aan furtay kombuytarkayga gacanta oo lagu soo shubay muuqaalo cusub iyo codad kala duwan oo laga soo ururiyey dadkii Abshir isku yaqiineen Mareykanka. Continue reading “Gelbiskii Geerida- Q8aad”

Gelbiskii Geerida-7aad

Waan ku daalay raadistiisii. Wax aan deris la ahaa werwer badan oo iga hayey raacdada walaalkay Abshir. Malahayguna wuxu i farayey in uu iska beddalay baadi-soocdii.

Cidlo ayaan keli haabayey. Maraykan noloshiisa muddo dheer baa iigu danbaysay, wax macarifo ahina iima ay oolin. Waxa ii dheerayd shaqo la’aan waayo badanka shaqooyinka la ii soo bandhigay waxa ay ahaayeen shaqooyin xirfaddeyda ka hooseeya, isla mar ahaantaana qofnimadayda dhaawac ku ah.

 

Marar badan baan xidhiidh la sameeyey Xafiiska dhexe ee Sir-doonka Mareykanka si aan u soo ogaado halka uu sal iyo raad dhigay walaalkay. Waayo Abshir dudmadiisu wax ay ka dhalatay is-maandhaafkii na dhex maray labadayda. Waxa aan ahaa curadka reerka, waanan ku qasbanaa in aan xidho kabihii aabahay.

Si joogto ah ayaan u laasimay fadhiisiga goobaha ay Soomaalidu iskugu timaado aniga oo maanka ku hayey in aan heli doono tilmaan walaalkay ku saabsan. Wax aan ogaaday in walaalkay magaalada Minyaapulis uu diinta ka faafin jiray oo kullanadda jaaliyadda Soomaalidu ku soo bandhigi jiray qoraallo diineed iyo weliba wacyi-gelineed oo uu ugu baaqayey in diinta loo soo laabto, tilmaamayna in guushu ku jirto raacista dariiqii Nebigeenna Maxamed NNKH.

Abshir, waxa la ii sheegay in uu ka qayb-geli jiray casharrada diinta iyo muxaadarooyinka ay jeediyaan culimada Soomaalida ah iyo kuwa carabta ah. Wuxuuna waqti badan ku qaadan jiray xarunta islaamiga ee Daarul Faaruuq.

Safarkiisii xajka ee Sucuudiga in yar baa ogayd xogtiisa. Waxa ay ku qaadatay laba bilood in uu dib ugu soo laabto Mareykanka. Sida aan ku helay xogtii ciidamada ee aan markii danbe ka hawl-galay, wuxu Abshir dib u soo noqday isaga oo u eg nin ka soo laabtay waddan kale ee reer galbeed ah. Wuxu xidhnaa surwaal lugaha jeexan, garan gacmo-gaab ah, sillis dheer, dhagahana ay u sudhan yihiin xadhigga teleefan oo u muuqday qof heeso dhegaysanaya. Waxa aan se xaqiiqsaday mar danbe in ay ka ahayd indho-sarcaad iyo is yeel-yeel uu ciidanka marin-habaabinayey.

Soo guryo-noqoshadii Abshir waxa ay ku soo beegantay todobaad ka hor safarkii labaad ee Madaxweyne Obama ku tagayey Afrika. Waxa lagu hakiyey garoonka caalamiga ah ee Rochester iyada oo shaki laga muujiyey muuqaalkiisa isbedalay iyo safarka waqtiga dheer qaatay ee Sucuudiga.

Waqtigii uu ku sugnaa garoonka aad ayaa loo raajiyey, waraysi dheerna loola yeeshay. Ciidamadu waxa ay maalintaas si dheel ah u weydiiyeen su’aalo shakhsi ah oo ay qaarkood cabsi badnaayeen.

“Waxa aad ka timid Sucuudiga haddana waxad u eg tahay nin heesaa weyn ah.? Muusiga ma nooca kulul baad jeceshahay?” ayuu mid ka mid ah askarta Ilaalada Xuduudaha Maraykan weydiiyey.

Askarigaas, wuxu sii daaray dhinbiilo kulul oo ka dhex shidnaa qalbiga walaalkay. Abshir aad ayuu arrintaas uga sii xanaaqay, si weyna u damqaday dareenkii huursanaa ee uu awalba ka qabay dalalka reer galbeedka.

Ciidamada sir-doonku baadhis badan ayay ku sii wadeen wallow ay u oggolaaday in uu soo laabto. Isaguna taxadar badan ayuu muujiyey muddadaas wixii ka danbeeyey. Talaabo kasta oo uu qaadi jiray way u tirsanayd, wuxuunu dareensanaa in lagu daba-jiro, oo xogtiisu ilaalo laga hayo.

Abshir, wuxu shirar badan la yeelan jiray kooxo jihaadka aad u aamminsan, waxa ayna si tifaf-tiran u soo bandhigi jireen dhibaatada Mareykanku ku hayo ummadaha Islaamka ah. Abshir waxa ku sii badatay calool-xumada uu u qabo dalka uu ku suganaa iyo weliba kii uu wax ku soo bartay ee Kanada.

Walaalkay wuxuu isku dhigayey nin qurbaawi ah oo reer galbeednimadu madaxmartay si uu u marin habaabiyo dareenadda taban ee laga qabay qofka muslinimadu ku weyn tahay. Gobolka Minisootana si dhuumasho leh ayuu ugu sii dhex noolaa muddo dheer oo kale.

La soco